ને સ્વપ્નો સેવ્યા ઘણાં..

બાળપણમાં તો માત્ર "મોટા" થવાના સ્વપ્નો સેવ્યા ઘણાં,

મોટાઓને જોઈ જલ્દી મોટા થવાના પ્રયત્નો કર્યા ઘણાં,

સમજતા થયા ત્યારે દોરાય ગયા શિક્ષકોના આકર્ષણથી ઘણાં,

ને તેમને જોઈ "શિક્ષક" બનવાના સ્વપ્નો સેવ્યા ઘણાં...

ભણવાની હોડમાં ઉતર્યા જયારે, ત્યારે જોયા હરીફો ઘણાં,

બીજાની સફળતાનો આનંદ જોઈ "એમનામાંના એક" થવાના સ્વપ્નો સેવ્યા ઘણાં...

શાળાના અંતિમ દિવસો આવવા લાગ્યા નિકટ ઘણાં,

ને મનમાં એક શ્રેષ્ઠ "એન્જીનિયર/ડોક્ટર" બનવાના સ્વપ્નો સેવ્યા ઘણાં...

કોલેજમાં પ્રવેશતા જ બદલાયા આસપાસના મિત્રો ઘણાં,

મોજ મસ્તી,રખડપટ્ટી ને ફિલ્મો જોવાના સ્વપ્નો સેવ્યા ઘણાં...

પસાર થવા લાગ્યા દિવસો એ પણ ઝડપથી ઘણાં...

ઊંચા પગાર ને વ્હાઈટ કોલર નોકરીના સ્વપ્નો સેવ્યા ઘણાં...

જીવનના સ્વપ્નોની હાર તો ચાલતી રહી હજી પણ આજના દિવસમાં

ક્યારેક જીવન સાથી તો ક્યારેક વર્લ્ડટૂરના સ્વપ્નો સેવ્યા ઘણાં...

જીવનમાં દરેક તબક્કે થતા રહ્યા સફળતા ને નિષ્ફળતાના અનુભવો ઘણાં,

પણ છતાંય અનેક નવા બદલાતા વિચારો સાથે સ્વપ્નો સેવ્યા ઘણાં...

પણ આખરે સમજાયું એ સ્વપ્નોનું તાત્પર્ય જીવનમાં ઘણું,

એ સ્વપ્નો તો હતા આસપાસના પ્રલોભનોનો પ્રભાવ ઘણો...

આખરે કર્યો એક નિશ્ચય આ સમયનો

ને હવે શ્રેષ્ઠ માનવી બનવાના સ્વપનો સેવવા લાગ્યો ઘણો....